كتب – احمد لطفي
بيقولي هو الواحد ممكن يحب حد لمجرد إنه اتكلم معاه.. يعني من غير ما يشوفه؟
قلت له: آه ممكن جدًا.
أول حاجة مهمة في الحب هي الارتياح، بس تأكد إنه بعد كده حيشوفه.. لازم حيشوفه.. دي أرواح وبتنجذب لبعضها.. يكملوا الحكاية بقى أو ما تكملش دي مسألة تانية. بس غالبًا بتكمل.
تنجح بقى بعد كده أو ما تنجحش، دي برضه مسألة تانية متوقفة عليهم وعلى الظروف. لو عايزينها تكمل حتكمل ولو ما قدروش يبقى نصيبهم كده.
لكن لازم حيتقابلوا وحيشوفوا بعض. بأقولك دي أرواح وبتنجذب لبعضها.
