بما إن الشهر ده شهد ميلاد شادية وتحديدا يوم ٨ فبراير فأنا عايزة أقول إن سنة ١٩٧٠ بعد ما غنت أغنيتها الشهيرة اللي كلنا بنحبها “يا حبيبتي يا مصر” الجمهور أطلق عليها لقب صوت مصر ، و الحقيقة هي فعلاً صوت.
يعني أول ما تسمع لقب “صوت مصر” تلقائي لازم يجي في بالك (شادية) مش أي حد تاني ،لا قديم ولا جديد، الموضوع عامل بالظبط زي لما أقولك كوكب الشرق ماينفعش يجي في بالك حد غير (أم كلثوم) لأن اللقب مرتبط بيها هي ،ولايق عليها هي.
فـ لو حابين تتحٰانقوا على لقب ياريت تختاروا لقب مالوش صاحب، عشان مع إحترامنا لكل الأصوات القديمة و الجديدة ، الحلوة واللي مش حلوة ، صوت مصر هي شادية.
