كتب – احمد السيد
عموما الحاجة الوحيدة اللي محدش هيختلف عليها هي ” إحساس الامان ” انك تحس ان مكانك محدش يقدر ياخده غيرك مهما بذل من مجهود ..وان كلمة ” اطمن ” دي مش مجرد كلمة وان غيابك كفيل ميخليش اليوم يعدي وانك مهما تعبت او انطفيت لسه متشاف رغم الظلمة وانك احسن حد في حياة الشخص اللي بتحبه ..لان الزعل تيرمومتر ” الامان ” ..
انت لو اتحبيت بجد مش هتهون عليهم ولا قلبهم هيطاوعهم يسيبوك زعلان
لو اتحبيت بجد مش هتطلب منهم يعاملوك ازاي ولا حتي هتطلب ابسط حقوقك ” الاحترام “.. بطل بقى تبرر تصرفاتهم وبطلق تخلق لهم اعذار .. لان انت معاهم علشان ” الامان ” .. انا ممكن اغفر لحد اي حاجة الا اني اهون عليه .. اصل معلش يعني انا هستني تعمل فيا ايه تاني ؟ وهو فيه ايه ابشع من اني اهون عليك وانت اللي المفروض وعلي كلامك انك احن عليا من الجميع عشان كدة انا مستحيل اثق تاني في حد هنت عليه وهان علية يوصلني لمرحلة ان تصعب عليا نفسي بالشكل دا .. ! لاني ببساطة احتياجي ليك بيتلخص في كلمة واحدة ” الامان ” .. وبعد كده كل حاجة شكليات .
