كتب – سامح فؤاد
استنى
ماتستعجلش
قبل ما تاخد قرارك
قبل ما تعلن احتجاجك
قبل ما تحكم احكامك
قبل ما تنطق الكلمة بلسانك
ناجى ربك و الهك
اطلب معونته و ارشاده
ليعطك الحكمة ف حياتك
وبصيرة لقلبك و أفكارك
اطلب و ماتخافش
حبه ليك مايتوصفش
هو معاك . هو حاميك
هو دائما سند ليك
اصل مش كل الكلام
اللى نسمعه نقدر نصدقه
ولا كل نشوفوا بالعيون
نقدر نكذبه
لكن ربك عالم بالقلوب
و عليه كلنا نتكل
نطلب منه يقوينا
ع اتعاب العالم فينا
و من غيره يساعدنا
بطول باله و حبه لينا
