كتب – داليا أشرف
ليه كسبنا ٣ بطولات متتالية؟
من وجهة نظري المتواضعة احنا محتاجين شخصية المعلم حسن شحاتة تاني عشان يبقي عندنا منتخب يعرف ياخد بطولات.. ليه بقي تحديدا المعلم؟
١- فاهم سيكولوجية كل لاعب (وده اهم شيء).. مش مجرد خطط وتشكيلات ومهارات.. هو ده اللي بنفتقده.
٢- قائد بمعني الكلمة عنده رؤية واضحة وبينفذها وبيعرف ازاي يسيطر علي اللاعيبة بحب واحترام وحزم ودي تركيبة مفتقدينها.
٣- بيساوي في التعامل بين اللاعيبة يعني المحترف برة زي اللي عالدكة…لم يختزل المنتخب في لاعب واحد ايا كان مهاراته القوية.. كان بيخليهم يلعبوا لعبة جماعية واللعب الجماعي مفتقدينه.
٤- عنده حماس وطني.. وبيعرف ينقله كقائد للجنود اللي معاه ويجمعهم علي كلمة واحدة (مصر).
