كتب – احمد الروبي
ألطف حاجة في فيلم “ليلة العيد” إن كل شخصية فيه مهمة وليها تأثير في الأحداث، هو عمل جماعي من الطراز الأول. لفت نظري الشخصية اللي بتجسدها نجلاء بدر كان عندها ٣ قيود بتكتفها والغريب إن نفس ال٣ قيود دول هي قدرت تخرج من الأسر اللي كانت سايبة نفسها فيه.
نجلاء في العمل كانت ضحية مجتمع وزوج وشخصيتها الضعيفة االي مش مخلياها حتى عارفة تعبر عن ذاتها لكن الي اسباب دول هما اللي انقذوها لان المجتمع اللي هي ضحيته قررت تكسر قواعدة وتخرج عن ظلم جوزها وترفض شخصيتها الضعيفة اللي كانت سبب هلاكها.
طبعا كل ده كان محركه الأساسي بنتها وفكرة الختان اللي كان هيحصل لبنتها وكأن غريزة الامومة هي كانت السبب الرئيسي في تحرك الشخصية وانتفاضتها.
العمل لطيف وبيناقش مشاكل كلها متعلقة بالمرأة ونجلاء كالعادة مبهرة، أداء صادق واحاسيس حقيقية وساعات بشفق عليها من تأثير النفسي للادوار الصعبة القاتمة دي عليها.
