كتب – انجي هيبة
ليه كل الناس اللي تابعوا مسلسل حالة خاصة اتأثروا جداً بشخصية “عم جميل ” ؟!
عم جميل بكل بساطة قدم شخصية الداعم الحقيقي اللي كل حد فينا محتاجه جدا.
عم جميل قدر يشوف نديم من جواه وصدق فيه من قلبه و ساعده يصدق في نفسه بدون ضغط ولا نصايح فيها تعالي..
عم جميل احترم اختلافه و حترم ذكاؤه و حدوده.
في كل المشاهد اللي ظهروا فيها مع بعض مفيش ولا مرة فرض عليه رأي أو فكرة.. دايما كان بيقول رأيه بكل لطف ويسيبله حرية الاختيار.
عم جميل قدر يطبق المواجدة مع نديم وده وصل للناس في تفاصيل زي صوته الحنون وتعبيرات وشه.. وحتي في لحظات صمته.
و من حبه و ثقته الحقيقية في”نديم” اللي بيواجه تحديات من طفولته بسبب اختلافه.. نديم عرف يصدق في نفسه واتعلم يحبها ويثق فيها.
يا بخت اللي في حياته عم جميل.. و يا بخت اللي ربنا يقدره و يعرف يكون زي عم جميل للناس اللي محتاجينه.
