كتب – هشام سليمان
ساعات الواحد مع سرعة ايقاع الحياة بيبقي طول الوقت بيحب يحافظ علي عادات قديمة.
وأنا نازل بدري قررت اني اكتب لمراتي رسالة لما تصحي تشوفها و حطتها علي التلاجه (بالمغناطيس)
شغل اجانب بقي..
و طبعا فكرت انها مفهمتش او معرفتش تقرا خطي
لان عدي وقت كتير فقررت اكلمها اقولها اخدتي بالك من الرساة
قالتلي: اه طبعا
و قالتلي: بتاع حركات انت
فاتبسطت من نفسي ان الحركة عجبتها
و تجرأت و سالتها
عرفتي تقري خطي
قالتلي لا طبعا
قولتلها امال عملتي ايه
قالتلي بعتها لدكتور الصيدلية يقرهالي
وضحكت و انا ضحكت
لاني كنت كاتب لها ممكن تعمليلي فاصوليا بلحمة المفرومة
وعملتلي.
