كتب – خالد الشوربجي
أكتر حد بحبه فى حياتى هو البنى آدم “السهل” اللى مش معقد العلاقات مع الناس وبيشوف الحلول أكتر بكتير من المشاكل.
سهل يقتنع أو يوافق على حاجة حتى لو مش مقتنع بيها.
حد كسر عليه فبدل ما ينزل يتخانق ويزعق يعاتب ويعدى الموضوع.
زعلان من حد فلما ييجى يتصالح يتقبل الأسف بسرعة وميعملش فيها قافش عشان يربيه.
بيوافق على أى خروجة ومش بيهمه المكان على قد ما بيهمه الناس.
-بيحط نفسه مكان الناس وبيتقبل الأعذار.
مش بيقفش على حاجات تافهة ممكن يعديها.
عَنْ عَبْدِ اللَّهِ بْنِ مَسْعُودٍ، قَالَ: قَالَ رَسُولُ اللَّهِ – صلى الله عليه وسلم -: «أَلَا أُخْبِرُكُمْ بِمَنْ يَحْرُمُ عَلَى النَّارِ أَوْ بِمَنْ تَحْرُمُ عَلَيْهِ النَّارُ، عَلَى كُلِّ قَرِيبٍ هَيِّنٍ سَهْلٍ»
