محمد الدالي
متتجوزش إلا بواحدة انت مقتنع بيها زي ما هي ..
يعني متقولش هاخدها بشعرها بس بعد الجواز تتحجب، او واحدة عصبية وتقول بعد الجواز هتتغير، او واحدة تخينة وانت بتحب الجسم الفرنساوي وتقول بعد الجواز تخس، اصل امها هي اللي كلمتها مسموعة في البيت بس ده عشان ابوها طيب انما انا راجل شرقي وهعرف اسيطر، او واحدة مسرفة ومبذرة وتقول بعد الجواز هتبقي حريصة علي فلوسي ..
انا بقي جايلك من المستقبل وبقولك مفيش حاجة اسمها بعد الجواز هتتغير، عشان والله بنسبة لايستهان بها مفيش حاجة بتتغير ولا شكلاً ولا طباعاً .
ريح نفسك من الاول وخذها زي ماهي واقبلها زي ما هي ، وكفي الله المُسلمين شر محاكم الأسرة والفُجر في الخصومة، ومشاكل الطلاق النفسية خصوصاً للأولاد.
