كتب – سيد محمد
مرة سمعت جملة وفضلت معلّقة في دماغي، بتقول :
“الراضي ربنا بيراضيه فى أي حتة، واللي مش راضي دنيته ضيقة عليه فى كل حتة”.
الكلام ده حقيقي لأقصى درجة بجد، مفيش مرة هترضى فيها بوضع صعب أو ابتلاء تقيل إلا وهتلاقي ربنا مقدّرك تستحمله وبيراضي قلبك في جوانب تانية في حياتك، مفيش مرة هترضى بأمر واقع أو فقدان عزيز إلا وهتلاقي ربنا منزّل عليك صبر وعوض جميل من عنده ..
وعلى النقيض مفيش مرة هتسخط على حالك وتبقى مش راضي عن أقدار الله والابتلاءات اللي بتواجهك إلا وهتلاقي قلبك دايما مهموم وروحك تعبانة ونفسيتك في النازل والدنيا حواليك ضيقة رغم وسعها ..
ربنا يراضّينا بأقداره، ويراضي قلوبنا بعوضه، ويجعل نفوسنا ساكنة مُطمئنة لحكمته.
