كتب – سمر عبدالرحمن
«لا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا»..
الآية دي طول عمرها أحب الآيات لقلبي.. لما بقع في ضيق برددها، بتديني أمل بتقولي استبشري.. كتير من الأقدار تألمت ليها وجرت دموعي في السنين اللي فاتت ولما رفعت إيدي لربنا حسيت بنور الآية دي خاصة في لحظاتي الصعبة..
طول الوقت بحسن الظن بالله الرحيم الرؤوف الودود، ومؤمنة دايما بإن الرضا أوجب لي محبة ربنا وفي كل مرة بتضيع مني حاجة بردد الآية دي بيقين وبتأكد إن الحاجة دي لو كانت خير هتبقى وهترجع وهتدوم..
فيارب جمل أقداري وأصلح لي شأني كله ولا تكلني إلى نفسي طرفة عين.. أعوذُ بكلماتِ الله التاماتِ من شرِّ ما خلقَ.
