كتب – راندا صلاح
مع مرور الوقت هتكتشف أن واحدة من أهم لغات الغلاوة والمعزة إن حد يسمعك،
مش يقضي وقت طويل معاك في الزحمة،
ولا أنه ينزل معاك لوحده كتير يتكلم بس عن نفسه وعن الناس،
لأ ينزل أو يتصل وياخد وقت كامل عشان يسمعك انت وبس.
وقمة الغلاوة لو أنت ماحكتش وهو طلب يسمعك،
ويا سلام بقي لو أنت حاولت ماتحكيش وهو صمم يسمعك.
السمع هو فتح باب القلب والطبطبة عليه،
السمع هو ترك العالم لحظات والتركيز مع شخص.
ممكن أي حد ينزل معاك في زحمة،
ممكن أي حد يكلمك عن نفسه،
بس مش هيسمعك بصدق غير اللي أنت غالي عنده.
