كتب – هشام كامل
في وسط الظروف والأيام الصعبة اللي بيمر بيها أي شخص في الدنيا بمختلف أشكالها، أظن من حق أي شخص على وجه الأرض أنه يتعامل مع ناس مريحة نفسيا وذهنياً.
فكرة إنك تبقى حاطط في دايرة الناس اللي حواليك أشخاص تستهلكك ذهنيا وفكريا وتستهلك طاقتك وتحطك دايما في صراع فكري مع نفسك دي من أصعب وأحقر المواقف اللي ممكن تحط فيها نفسك حقيقي.
كفاية عليك ضغوط الحياة.. كفاية عليك ضغوط إنك عايز تبني نفسك وتعمل كذا وكذا وكذا.. من واجبات نفسك عليك هو إنك تتعامل مع ناس سوية نفسيا وفكريا.. ناس تساعدك وتشجعك وتبقى خفيفة الظل في حياتك.
ناس باقية عليك وتعاملهم سلس ولطيف.. مش ناس تستهلكك بدافع المحبة.. تستنزفك بدافع البقاء.. مهما حاولت ومهما استحملت حتما هييجي يوم ويغرقوك لا محالة.
