كتب – هبة الله حلمي
بحب النضج اللي بلاقيه في البشر اللي بتعامل معاهم.. النضج في التفكير وفهم معني البساطة وسهولة التعامل.. النضج في الاحتواء والرحمة والتماس الاعذار وادراك تغير المشاعر حسب المسؤوليات او حسب اي محنة بتمر بيك.
طبيعي انك ساعات هتكون مبسوط.. وساعات هتكون مخنوق.. فلو الشخص اللي قدامك فهمك او عاوز يستوعبك هيترجم دة فيك بطريقة صح ومش هيرهقك في التبرير او التصنع في ردود الافعال.. هتحس انك مرتاح وانت بتتكلم معاهم .. هتحس انك عاوز تجري وتتكلم ويسمعوك لانهم باختصار طرف مريح مستمع جيد لك ودايما ظنهم فيك حسن وفهمين قلبك ونيتك صح.
نادر جدا ما تجد ناس طبيعية كدة سلسة وبسيطة مريحة في قربهم.. لما تلاقيهم حافظ عليهم دول بقوا عملة نادرة.
