كتب – وليد عبد المنعم
أثبت عادل إمام امبارح إن الزعامة مش بس بالتاريخ الطويل ولا بالإيرادات الكبيرة وتصدر شباك التذاكر ولا بنجاح الأعمال وبقائها لكنها كمان باختيار لحظة الخروج من الساحة وتوقيتها.
عادل امام اختار إنه مايشوهش صورة الزعيم اللي اترسخت في مشاعر جماهيره طوال مشواره العريض، اختار يحافظ على صورته في عينينا ومايظهرش بشكل ضعيف مهزوم بفعل السنين وتقدم العمر.
لم تغريه الاحتفالات البراقة وتصقيف زمايله وهيصة الجمهور والدعوات الفاخرة ولا اعتبر البريق ده مكسب قصاد خسارته لصورته قدام جمهوره.
عادل امام انسحب من المشهد لما شاف إن أي ظهور جديد ليه ممكن يأثر على لقبه كزعيم.
علشان كده قرار عادل إمام بالاعتزال هو إثبات جديد لزعامته اللي هتستمر حتى بعد اعتزاله.
