كتب – نيرمين أبو سالم
الناس مابتشوفش غير تصرفاتك..
مابتشوفش اللى وراها..
مابتشوفش دوافعك..
مابتشوفش انت اتصرفت كدة ليه..
مابتشوفش الالم اللى اتألمته.. ولا الاذى اللى اتأذيته..
ولا الضغوط اللى مريت بيها..
بتشوف بس الدرع الواقى اللى انت لابسه عشان تحوش الأذى عنك..
بتشوف الحدة اللى بتتعامل بيها عشان تحمى نفسك..
بتشوف القشرة الخارجية ال hard shell
اللى بتخبى تحتها ضعفك واحتياجك..
بتشوف قناع القوة اللى بتلبسه عشان ماتتاكلش..
الناس بتحكم بالظاهر..
وبتترجمه على مزاجها..
وبتحلل شخصيتك من منظورها السطحى..
الباطن دة بتاعك انت..
والحقيقة اللى وراه بحلوها ومرها بتاعتك..
الناس مابتشوفش وجعك بس للاسف بيحاسبوك علي توابعه!!
هتشيل همك؟!.. ماشى!
لكن هتشيل هم رأى الناس فيك هتشيل حمل على حملك وهم على همك.. وهتحاسب انت المشاريب اللى هما شربوها!
