كتب – سحر النادي
فيه نوع من العطاء باسميه “العطاء الأناني” لإنه في الحقيقة أخذ مش عطاء!
زي مثلا إنك تروح تزور مريض فقط طمعا في الثواب لنفسك، مش تعاطفا مع المريض ومساندة حقيقية صادقة له على التعافي لإنك شعرت بألمه.
أو إنك تروح تعزي أو تهني علشان تكسب نقاط تبقى تطالب بمقابلها بعدين، مش لإنك فعلا حزين أو سعيد للآخرين. أو تضحك في وجه شخص وتتقرب منه علشان تستفيد منه حاجة انت عايزها، مش لإنك فعلا سعيد بصداقته.
التعاطف الصادق مالوش مقابل غير الاحترام والتعاطف المتبادل.
والعلاقة التجارية مش علاقة صادقة، إنما علاقة توكسيك.. العلاقات التجارية من السلوكيات النرجسية المنتشرة في مجتمعنا باعتبارها شطارة.
